Категорија: Собири

Кратките книжевни форми како врвен дострел во литературата  – специфики, карактеристики и резултати

 

Скопје, 24.11.2021 година

 

 

Податоци за собирот:

 

Назив на научниот собир: Кратките книжевни форми како врвен дострел во литературата  – специфики, карактеристики и резултати

Организатор на научниот собир: Институт за наука, алтернатива, култура и уметност – Скопје

 

Краток приказ на тематиката на научниот собир:

 

Кратките книжевни форми (поезија, проза, есеј, критика и краток драмски текст) се неизоставен дел на авторската литература.

За жал, кратките форми многу ретко научно се проследуваат и проучуваат, па овој научен собир е пионерски собир на тој план и е еден од ретките и речиси единствените стручни и научни собири кои ги третираат современите кратки книжевни форми кај нас и во странство.

Досега, најчесто и повеќе се анализирани и елаборирани кратките книжевни форми во народното творештво, но не и авторските и современите кратки книжевни форми.

Инаку, во авторската книжевност тие заземаат посебно место, поради концизноста, јадровитоста, лапидарноста, есенцијалноста и конзистентноста.

Тие се исполнети со одбрани слики, мисловност, контраст, творечка и креативна игра, луцидност, духовитост и проникливост.

Во кратките форми има динамика, пресврти, елиптичност, фантазија, специфичност, привлечност и необичност.

Во кратките книжевни форми вклучени се и застапени елементи и од другите уметности (илустрации, цитати, колажи, репродукции на фотографии, игри со фонтови и физички облици на текстот и слично).

Тоа е вистинска и ретка творечка креација со многу дарба и фантазија на авторите, за развој на логичкото мислење и заклучување, потребна и полезна и за читање, говорење и учење посебно кај помладите генерации.

Со добра и осмислена воспитно-образовна стратегија и програма; децата, учениците и студентите се учат да читаат и пишуваат, се социјализираат и осамостојуваат и образуваат.

На научниот собир за кратките книжевни форми, ќе стане збор како да се доостручнат лицата кои што работат со децата, учениците и студентите, а тоа се воспитувачите,  наставниците и професорите.

Исто така, ќе се разговара и за самата прилагодена програма за воспитување и образование, која треба да биде поедукативна, посовремена, покомуникативна, покомпаративна и поилустративна.   

На крајот од собирот, ќе бидат сумирани сите искажувања во вид на заклучоци, кои ќе најдат теоретска, но и практична примена.

 

 

Кратко образложение за потребата за одржување на научниот собир:

 

Овој научен собир не само што е специфичен и оригинален според својата тема и цел, туку одамна недостасува во нашава средина, како стручна и научна трибина и дебата.

На научниот собир ќе бидат презентирани искуствата и практиките ид странство, но и согледувањата и размислувањата од страна на домашните професори, наставници, воспитувачи, едукатори, теоретичари, практичари и други стручни лица.

Притоа, посебен акцент ќе биде ставен врз воспитувањето и образованието на децата, учениците и студентите преку кратките книжевни форми. За таа цел ќе бидат соопштени и разгледани и можностите, програмите и перспективите на тој план, преку елаборати, програми, сознанија, искуства, нацрти и проекции.

По завршувањето на научниот собир, научните соопштенија (рефератите) ќе бидат публикувани во посебен тематски зборник, а на самиот научен собир се очекува да се развие богата, разновидна, повеќеслојна, компетентна и содржајна дискусија.

Бенефитот од овој научен собир е и за теоретичарите, но и за практичарите и резултатите ќе се очекуваат во континуитет во еден подолг период.

 

Научен собир

 

УЛОГАТА И ЗНАЧЕЊЕТО НА СПИСАНИЈАТА, ПРИРАЧНИЦИТЕ И ДРУГИТЕ ВИЗУЕЛНИ, АУДИО И ВИДЕО ИЗДАНИЈА И МАТЕРИЈАЛИ ВО ВОСПИТНО-ОБРАЗОВНИОТ ПРОЦЕС

 

Скопје, 18.1.2021 година

 

 

Назив на научниот собир: Улогата и значењето на списанијата, прирачниците и другите визуелни, аудио и видео изданија и материјали во воспитно-образовниот процес

 

Краток приказ на тематиката на научниот собир: Улогата на списанијата, прирачниците и другите визуелни, аудио и видео изданија и материјали во воспитно-образовниот процес е голема и незаменлива. Тие се толку многу значајни и незаобиколни, што слободно можеме да кажеме дека без нив не ни може да се одвива воспитувањето и образованието, односно ќе биде сиромашно, сувопарно и празно.

Со оглед на брзиот и динамичен технолошки развој, неопходно е вклучувањето и примената на визуелните, аудио и видео изданија и материјали, покрај печатените – списанија, прирачници, сликовници и слично, во воспитно-образовниот процес.

За таа цел, воспитувачите и наставниците мора да бидат благовремено запознаени со придобивките на новата печатарска, визуелна, аудио и видео технологија.

На тој план, посебно се драгоцени искуствата во странство, кои се очекува да бидат презентирани на овој научен собир.

Притоа, исто така, се очекува да бидат соопштени конкретни примери, начини и методи за подобрување и збогатување на воспитувањето и образованието на децата и учениците.

По завршувањето на научниот собир, ќе биде објавен и Зборникот од научниот собир, кој како книга со презентираните содржини – се планира да биде и еден вид прирачник, односно практикум.

 

 

Кратко образложение за потребата за одржување на научниот собир:

 

Научните собири на вакви и слични теми и од овој вид редовно привлекуваат големо внимание не само од страна на теоретичарите, туку и од практичарите. Дури, би рекле, практичарите се живо заинтересирани за иновации, експерименти, освежувања и подновувања, бидејќи тие им недостасуваат, а многу би им ја олесниле работата со децата и учениците.

За таа цел, убаво е и полезно да се слушне и види како тоа го прават во странство, да се пренесат тие знаења и искуства и потоа да се применат и кај нас.

На научниот собир се поканети и ќе учествуваат научници и стручњаци од различни профили, со оглед на широчината и разновидноста на оваа проблематика.

Како презентери ќе учествуваат и повеќе автори – илустратори и дизајнери.

Овој научен собир со својата тематика и предвидените аспекти и содржини привлече голема заинтересираност во земјава, но и во странство, посебно во државите од окружувањето.

 

 

 

Научен собир

 

ВОСПИТУВАЊЕТО И ОБРАЗОВАНИЕТО НА ДЕЦАТА СО ПОСЕБНИ ПОТРЕБИ – МОЖНОСТИ, ПРОГРАМИ И ПЕРСПЕКТИВИ

 

 

Скопје, 11.1.2021 година

 

 

Назив на научниот собир: Воспитувањето и образованието на децата со посебни потреби – можности, програми и перспективи

 

Краток приказ на тематиката на научниот собир: Со оглед на тоа дека лицата со посебни потреби, а во обвој случај – децата со посебни потреби се најчувствителна и најранлива категорија, мошне е битно ниовното воспитување и образование и тоа уште од најран период. За таа цел, потребна е и неопходна подстојана грижа и едукација за нив, која им ја пружаат воспитно-образовните установи, т.е. детските градинки и училиштата.

Со добра и осмислена воспитно-образовна стратегија и програма, децата се учат да читаат и пишуваат, но и се социјализираат и осамостојуваат.

На научниот собир на тема: Воспитувањето и образованието на децата со посебни потреби – можности, програми и перспективи, најпрвин ќе стане збор како да се остручнат лицата кои што работат со децата со посебни потреби, а тоа се воспитувачите и наставниците.

Потоа, ќе се разговара и за самата прилагодена програма за воспитување и образование на децата со посебни потреби, која е полесна, поедноставна, поразбирлива, покомпаративна и поилустративна.   

На крајот од собирот, ќе бидат сумирани сите искажувања во вид на заклучоци, кои ќе најдат теоретска, но и практична примена.

 

Кратко образложение за потребата за одржување на научниот собир:

 

Овој научен собир не само што е специфичен според својата тема и цел, туку одамна недостасува во нашава средина една ваква стручна и научна трибина и дебата.

На научниот собир ќе бидат презентирани искуствата и практиките од странство, но и согледувањата и размислувањата од страна на домашните воспитувачи, наставници и теоретичари.

Педагози, социолози, па и филозофи, ќе ги елаборираат своите видувања за воспитувањето и образованието на децата со посебни потреби, со акцент на можностите, програмите и перспективите на тој план.

По завршувањето на научниот собир, научните соопштенија (рефератите) ќе бидат публикувани во посебен тематски зборник, а на самиот научен собир се очекува да се развие богата, разновидна, повеќеслојна, компетентна и содржајна дискусија.

Бенефитот од овој научен собир е и за теоретичарите и за практичарите и резултатите ќе се очекуваат во континуитет во еден подолг период.