ИНАКУ

Категорија: Проекти

  • Театарот во Република Македонија во Дваесет и првиот век – искуства и резултати

    Театарот во Република Македонија во Дваесет и првиот век – искуства и резултати

    Дека нешто мошне сериозно и значајно се случува на полето на театарската уметност во Република Македонија потврда и доказ се големиот број на театри, претстави и фестивали, но и гостувањата, наградите и признанијата. Македонскиот театар е во подем и експанзија, иако во поново врене е повеќе затворен и се одвива во локални рамки, но со бројните нови гостувања и освоени комплименти за зрелоста на театарскиот чин, тој е рамо до дамо со балканскиот, европскиот, па и светскиот театар. За разлика од минатиот век, сега македонскиот театар е посовренен, поактуелен, поекспериментален, поавангарден, поекстравагантен и потранспарентен.

    На научниот собир ќе настапат научни и стручни лица од земјава и странство , кои ќе ги разглобат и разгледаат сите аспекти, а главно ќе се задржат на следниве теми: Македонскиот театар на крајот од минатиот век; Македонскиот театар во Дваесет и првиот век и Македонскиот театар исправен пред неговите понатамошни можности и перспективи.

  • Kнижевноста за деца и млади во науката и наставата – помеѓу теоријата и практиката

    Kнижевноста за деца и млади во науката и наставата – помеѓу теоријата и практиката

    Потребата од организирање научен собир посветен на книжевноста за деца и млади е дамнешна и иманентна. Таа потреба е се уште горлива и актуелна со оглед на застарените модели на пишување и проучување од една страна и современите текови, трендови и предизвици од друга страна.Кај нас во Република Македонија, но и во окружувањето односно на Балканот, Европа, па и светот – се поголем и поразновиден е бројот на создавачи и истражувачи, наспроти кризата на читањето и експанзијата на електронските медиуми и електронското издаваштво.
    Значи, од една страна сведоци сме и имаме повеќе или помалку сиромашна и класична продукција, а од друга страна потреба и барања за иновативност и креативност.На научниот собир ќе присуствуваат научни и стручни истражувачи кои ќе презентираат и компарираат свои согледувања, анализи и резултати, а целта на собирот е да се укаже на досегашните слабости, потешкотии и проблеми, но и на најсовремените размислувања, примери, препораки, искуства и проекти.
  • „Градот и етиката“ од Кирил Темков

    „Градот и етиката“ од Кирил Темков

    Книгата „Градот и етиката“ од проф. д-р Кирил Темков ги изложува во литературна форма согледбите на значењето и најновите случувања во етиката на нашето современо живеење.

    Во оваа книга авторот прави оригинално истражување и ги објаснува основните прашања на развојот на етикатаа во современата епоха во нашата земја и во светот.

    Книгата ги има следните поглавја:

    – Извори на етиката (објаснување на трите основни вида на природната етика – етика на првите луѓе во Природата, етика на селото и етика на градот, како систем на современа етика)

    – Историја и географија на етиката (развој на етиката и карактеристики на етиката во различните региони на светот)

    – Етиката денес (опис на современиот развиток и декаденција на етиката во светот, како и на најзначајните форми на неетичко однесување, со укажување на денешните тенденции за нови позитивни етички појави)

    – Етиката во градот (анализа на сегашниот статус и пројави во етиката кај нас)

    – Современи етички вредности (разгледба на најзначајните етички идеи и вредности денес – еднаквоста и праведноста)