Категорија: Анкети

Анкета

МЛАДИТЕ И КУЛТУРАТА

Институтот за наука, алтернатива, култура и уметност ИНАКУ од Скопје неодамна направи истражување на тема: Младите и културата.

Со анкетен анонимен прашалник беа опфатени 645 испитаници. Од нив 410 беа на возраст од 14-18 години, а 235 од 19-34 години. Од нив 258 беа од машки, а 387 од женски пол. Ученици беа 318, студенти 238, а од други занимања 89. Од нив 593 беа од град, а 52 од село.

На прашањето Што посетувате најчесто во текот на годината, 318 испитаници се изјаснија за библиотеките, 224 за кино-проекциите, 116 за театарските претстави, 87 за концертите, а 294 за спортските настани.

На прашањето кои фестивали и манифестации најмногу ги интересираат, 198 се изјаснија за кино, 85 за театар, 76 за книжевност, 41 за изложби, 11 за модни ревии, 5 за стрип, 3 за уметничка фотографија, 23 за друго.

На прашањето дали учествуваат на работилници и други настани, 179 се изјаснија за предавања и трибини, 28 за танци и модни ревии, 30 за креативно пишување и сликање, 14 за уметничка фотографија, 7 за самостојно музицирање, 12 за музицирање во група, а 5 за стрип цртање.

На прашањето колку книги имаат во домашната библиотека, 513 се изјаснија дека имаат до 25, а од 25-100 книги имаат 239 испитаници, додека над 100 книги имаат 48 испитаници.

На прашањето каква музика слушаат, 230 се изјаснија за домашната забавна музика, а 356 за странската забавна музика. Додека пак, 195 се изјаснија дека слушаат домашна народна музика, додека 327 слушаат странска народна музика. А, 83 се изјаснија дека слушаат нешто друго: рок, панк, хип хоп, рап, реге, хеви метал, класика, џез…

На прашањето колку се задоволни од културата кај нас, 285 одговорија недоволно, а 220 одговорија добро, додека 78 воопшто не се изјаснија.

На прашањето како се информираат младите за културните настани и случувања, 428 одговорија преку интернет и социјалните мрежи, 129 преку печатените медиуми, 174 преку електронските медиуми, 42 преку плакати, 13 преку печатени покани, 38 преку телефонски јавувања, 10 преку лични контакти, а 11 на друг начин.

На прашањето и дали самите се занимаваат со култура и уметност, 23 одговорија дека се занимаваат со литературно творештво, 18 дека цртаат и сликаат, 9 дека пеат и свират, 9 дека играат во културно-уметнички друштва, 4 дека играат балет и 3 дека се занимаваат со уметничка фотографија.

Анкета

КУЛТУРНИТЕ ПОТРЕБИ И КУЛТУРНАТА ПОТРОШУВАЧКА ВО ЛОКАЛНИТЕ СРЕДИНИ

Во пресрет на локалните избори, а во рамките на своите редовни и тековни истражувачки активности, Институтот за наука, алтернатива, култура и уметност ИНАКУ од Скопје спроведе анонимна анкета со 1220 испитаници. Темата на анкетата беше Културните потреби и културната потрошувачка во локалните средини, а целта е да се согледаат различните димензии на културните потреби и различните нивоа на културната потрошувачка на територијата на Република Северна Македонија.

Притоа, 10% од испитаниците беа на возраст од 18-25 години, 18,7% од 26-35 години, 23,9% од 36-45 години, 17,7% од 46-55 години и 29,7% над 56 години. Од нив 58,9% беа од женски пол, а 31,1% од машки пол. 1% беа ученици, 2,4% студенти, 7,2% невработени, 61,2% вработени, 28,2% пензионери.

Во анкетата, 7,2% одговорија дека воопшто не посетиле програми во културата во текот на целата година, а 20,1% дека тоа го направиле само еднаш годишно. Додека пак, 43,5% дека тоа го прават два пати годишно, 20,6% еднаш месечно, а 8,6% неделно.

Во однос на културната понуда, 15,8% се задоволни од понудата и велат дека е таа добра, 22,4% просечна, 19,6 лоша, а дури 42,2 одговиле дека не можат да ја оценат програмата.

Од испитаниците 61,7 % оценуваат дека недостасуваат театарски претстави и тоа на отворено, 45,9% филмски проекции, 20,1% изложби, 16,3% презентација на традиционални вредности (музејски артефакти и слично), 12,4% настапи на културно-уметнички друштва, 9,1% литературни манифестации, 33,5% конвецти на забавна музика, 15,3% концерти на класична музика, 45,2% концерти на народна музика, 60,8% хумор и сатира и слично.

На прашањето како се информирате за културните настани и програми, 56,5% одговориле дека добиваат информации преку социјалните мрежи, 20,2% преку електронските медиуми, 10,2% преку печатените медиуми, 8,8% преку роднини и пријатели и 4,3 % на друг начин (пораки преку телефон, плакати, флаери, огласи и слично).

Од анкетата прозлезе заклучокот дека културата, за жал, не е секогаш во центарот на вниманието и на неопходното ниво. Културните потреби како и нивното задоволување можат да бидат подобри, а на тој начин, ќе се постигне долгорочен и одржлив културен развој, со стимулација и поддршка и на независната култура и современите нови медиуми и уметнички и културни придобивки.

Културата и уметноста се подложни на постојани искушенија и предизвици, падови и растежи, и според испитаниците – евидентен е дисконтинуитетот и  кампањското работење и однесување.

Граѓаните очекуваат по локалните избори, во сите локални средини културата и уметноста да бидат повеќе застапени и издигнати на повисоко културно и уметничко рамниште, со цел населението да консумира поквалитетни, поразновидни и посодржајни духовни, културни и уметнички вредности и содржини.

ЗА ТУТОРИТЕ И ТУТОРСТВОТО

Направивме мала анкета со родителите на учениците со посебни потреби во врска со туторите и туторството преку проектот Биди ИН, биди ИНклузивен, биди ИНклудиран што го реализира Фондацијата Чекор по чекор од Скопје.

Еве дел од договорите:

Туторите пристапија на многу повисоко ниво, отколку што очекувавме

И ние како родители, но и децата се презадоволни

Проектот е супер

Физичкото присуство не е исто со онлајн комуникацијата, но пандемијата си го направи своето

Целосно ја имате поддршката од нас – родителите

Се случи брз позитивен напредок

Процесот е добро испланиран, а ангажманот на туторите е непроценлив и немерлив

Претстои уште многу макотрпна работа

Согледавме и применивме многу нови можности

Туторите се поделотворни дури и од личните асистенти

Туторите насочуваат и поттикнуваат

Туторите имаат делотворна функција во домашни услови

Големо е значењето и улогата на туторите

Овој проект треба и мора да продолжи

Има многу голем напредок кај учениците со посебни потреби

Туторската поддршка им значеше многу на родителите и децата, зашто имаше со кого да ги споделат своите проблеми и потешкотии

Учениците од почетно стигнаа на друго повисоко ниво

Раснеме и напредуваме заедно со туторите

Благодариме за туторството и во нашава средина

Полека но сигурно стануваме ИН, ИНклузивни и ИНклудирани

КАКО ГЛЕДААТ УЧЕНИЦИТЕ НА ИНКЛУЗИЈАТА

Институтот за наука, алтернатива, култура и уметност ИНАКУ од Скопје направи анкета со учениците од основните и средните училишта од Скопје. Едно од праѓањата во анкетата беше: што е инклузијата, односно како гледаат учениците на инклузијата?

Во продолжение на овој текст издвојуваме и донесуваме неколку од покарактеристичните одговори од учениците на оваа тема:

• Инклузијата е образование достапно на сите;
• Инклузијата е можност секое дете да се запише и да го посетува училиштето;
• Инклузијата е повеќе од образование, таа е подготовка за живот;
• Инклузијата учи дека во светот има место за сите;
• Инклузијата говори дека различноста не пречи да другаруваме, учиме, да си помагаме, да се поддржуваме;
• И училиштата треба да бидат прилагодени на учениците, а не само учениците на училиштата;
• Училиштата треба да бидат места за спојување, а не за одвојување и раздвојување на учениците;
• Едно училиште за сите;
• Училиштето како место каде ќе се развиеме и оствариме до крајните можности и граници;
• Да ги согледаме нашите разлики и способности, но тие да не бидат секогаш пресудни;
• Инклузијата е нашиот однос кон послабите;
• Инклузијата е хуманост и човечност;
• Сите имаме исти потреби;
• Сите сакаме да бидеме сакани, прифатени, да другаруваме, поддржуваме, играме, учиме…;
• Да ги најдеме начините за задоволување на потребите на сите ученици;
• Инклузијата е огледало за сите и на сите;
• Ќе се унапредиме себеси и ќе напредуваме, само доколку ги прифатиме и им помогнеме и на другите;
• Само за разбирање и поддршка на другите – така се расте и се развива;

• Првите навики и искуства се стекнуваат во семејството, од родителите – гледајќи ги и слушајќи ги;

• Битно е секој како се однесува кон послабите, поинаквите, немоќните и различните;

• Има препреки кои се поголеми и од рампите, училиштата, зградите… тие се длабоко во нас;

• Секој може онолку колку што верува дека може;

• Знајте дека никогаш не сте сами;

• Соработка, разбирање, другарство, љубов и слога;

• Тргнете кон целта и ќе стигнете до неа;

• Едно и единствено образование за СИТЕ!

ИСТРАЖУВАЊЕ: РАЗМИСЛУВАЊАТА НА НАСТАВНИЦИТЕ ЗА ПРЕДИЗВИЦИТЕ И БАРИЕРИТЕ ВО ИНКЛУЗИЈАТА НА УЧЕНИЦИТЕ СО ПОСЕБНИ ПОТРЕБИ

Институтот за наука, алтернатива, култура и уметност од Скопје неодамна направи истражување: Размислувањата на наставниците за предизвиците и бариерите во инклузијата на учениците со посебни потреби.

Во истражувањето беа опфатени 40 наставници од основните училишта во Скопје, а истражувањето беше реализирано телефонски во вид на интервју.

Со истражувањето беа добиени следниве (најмногу потенцирани) одговори:

1. Одделенијата се со голем број ученици, па нема можност за поголема посветеност од страна на наставниците во работата со учениците со посебни потреби;
2. Наставниците не се доволно подготвени за работа со учениците со посебни потреби;
3. Наставниците не се доволно мотивирани за работа со учениците со посебни потреби;
4. Наставниците не се доволно едуцирани за работа со учениците со посебни потреби;
5. Наставниците не се чувствуваат компетентни за работа со учениците со посебни потребни;
6. На наставниците им недостасуваат научни и стручни знаења добиени преку собири, конференции и работилници;
7. Наставниците наидуваарт на голем број различни потешкотии кај учениците со посебни потреби, па не се доволно упатени за сите нив и не можат успешно да излезат на крај со сите нив;
8. Наставниците се жалат дека има мал број стручни соработници во наставата;
9. Наставнците бараат да има повеќе асистенти во наставата;
10. Наставниците укажуваат дека има се уште физички бариери (препреки) за учениците со посебни потреби;
11. Наставниците не се задоволни од условите за настава на учениците со посебни потреби;
12. Наставниците посебно ја издвојуваат пандемијата со вирусот Ковид-19 како голем проблем за сите ученици, а посебно за учениците со посебни потреби!

Институтот за наука, алтернатива, култура и уметност од Скопје неодамна направи анкета со наставниците од средните училишта во Скопје за квалитетот на инклузивното образование на учениците со посебни потреби во средните училишта.

Со анонимен прашалник беа анкетирани вкупно 55 наставници и на седумте прашања беа добиени следниве одговори.

На првото прашање: Каков е Вашиот однос кон инклузијата во образованието, 66 % одговориле позитивен, 4 % одговориле негативен, а 30 % одговориле неопределен, односно не знам.

На второто прашање: Дали училиштата доволно ја промовираат програмата на инклузивното образование и улогата во локалната заедница, беа добиени следниве одговори: 85 % да, 2 % не и 13 % не знам.

На третото прашање: Дали се чувствувате компетентни за работа со учениците со посебни потреби, 51 % одговориле да, 24 % одговориле не и 25 % одговориле неопределено.

На четвртото прашање: Дали сте заинтересирани за наставата со различни групи ученици, 88 % одговориле да, 8 % одговориле не и 4 % одговориле не знам.

На петтото прашање: Дали учениците со посебни образовни потреби активно партиципираат во училишната средина, 78 % одговориле да, 8 % не и 14 % не знам.

На шестото прашање: Дали индивидуалниот образовен план содржи јасен преглед на сите потребни прилагодувања за учениците со посебни потреби, 82 % одговориле да, 12 % не и 6 % не знам.

На седмото прашање: Дали оценувањето се спроведува во функција на следење на напредокот и мотивацијата на учениците, 88 % одговориле да, 2 % одговориле не и 10 % одговориле неопределено.

Институтот за наука, алтернатива, култура и уметност од Скопје неодамна направи анкета со наставниците од основните училишта во Скопје за квалитетот на инклузивното образование на учениците со посебни потреби во основните училишта.

Со анонимен прашалник беа анкетирани вкупно 51 наставник и на седумте прашања беа добиени следниве одговори.

На првото прашање: Каков е Вашиот однос кон инклузијата во образованието, 45 % одговориле позитивен, 23 % одговориле негативен, а 31 % одговориле неопределен, односно не знам.

На второто прашање: Дали училиштата доволно ја промовираат програмата на инклузивното образование и улогата во локалната заедница, беа добиени следниве одговори: 89 % да и 11 % не знам.

На третото прашање: Дали се чувствувате компетентни за работа со учениците со посебни потреби, 63 % одговориле да, 23 % одговориле не и 14 % одговориле неопределено.

На четвртото прашање: Дали сте заинтересирани за наставата со различни групи ученици, 96 % одговориле да, 2 % одговориле не и 2 % одговориле не знам.

На петтото прашање: Дали учениците со посебни образовни потреби активно партиципираат во училишната средина, 57 % одговориле да, 27 % не и 16 % не знам.

На шестото прашање: Дали индивидуалниот образовен план содржи јасен преглед на сите потребни прилагодувања за учениците со посебни потреби, 88 % одговориле да, 10 % не и 2 % не знам.

На седмото прашање: Дали оценувањето се спроведува во функција на следење на напредокот и ммотивацијата на учениците, 80 % одговориле да, 4 % одговориле не и 16 % одговориле неопределено.

Институтот за наука, алтернатива, култура и уметност од Скопје, деновиве, по повод Светскиот ден на аутизмот, направи анкета под заеднички наслов „Како да им помогнеме на децата со аутизам во Република Македонија”.

Со анкетата биле опфатени вкупно 330 граѓани, воспитувачи во градинки и наставници во основни училишта. Анкетата била анонимна и е спроведена во Скопје, Берово, Пехчево, Велес, Кочани, Битола и Ресен. Од анкетираните 240 биле од женски, а 90 од машки пол. Според возраста, најбројни биле испитаниците од 30 до 50 години, додека според образованието, најголемиот дел од испитаниците биле со високо, средно и вишо образование. Според работните места на испитаниците тие биле директори, воспитувачи, наставници, педагози, медицински сестри, дефектолози, логопеди, лекари, работници, службеници и слично.

На прашањето што претставува аутизмот 20 одговориле дека е тоа болест, 2 дека е пореметување на метаболизмот и 308 дека е тоа первазивно развојно нарушување.

А во врска со прашањето во која возраст најрано се забележува аутизмот кај децата, 130 испитаници одговориле дека е тоа до шест месеци, 200 одговориле дека е тоа до три години, а двајца дека е тоа до 12 години.

На прашањето каде е повеќе застапен аутизмот во однос на полот, 190 одговориле дека е тоа кај машките, 3 дека е кај женските, а 147 дека е тоа кај и кај двата пола подеднакво.

Во врска со прашањето што може да го предизвика аутизмот, 160 одговориле дека се тоа генетски фактори, 30 дека е тоа околината, а 140 дека причината не е позната.

На прашањето како се забележува аутистичното дете, 70 одговориле по говорот,  220 по однесувањето, а 40 по физиономијата.

Во врска со прашањето каде треба да бидат третирани аутистичните деца,  10 одговориле дека тоа треба да се прави во домашни услови, 20 во градинка  и училиште и 300 преку индивидуализирани логопедски и дефектолошки часови.

Што се однесува до третманот кој им е потребен на аутистичните деца, петмина анкетирани сметаат дека треба хируршки третман, 10 со алтернативна медицина и 215 со мултидисциплинарен третман.

А во врска со прашањето каква исхрана треба да конзумираат аутистичните деца, 15 одговориле општа, 145 одговориле без присуство на глутен и казеин, а 170 прочистена од конзерванси и емулгатори, но збогатена со растителни влакна и омега три масни киселини.

На прашањето што треба родителите да направат кога ќе забележат дека нивното дете има знаци на аутистичен спектар на нарушување, 5 одговориле дека не треба да го негираат тоа, 10 одговориле дека не треба да преземаат погрешни чекори во однос на третманот (надрилекарство и слично), а 315 одговориле дека треба да побараат стручна (компетентна) помош од страна на матичен лекар и педијатар.

Во врска со прашањето како можеме да им обезбедиме среќна и сигурна иднина на децата со аутизам, 10 одговориле да нема изолација и издвојување од заедницата, 310 преку инклузивни воспитни и образовни форми, вработување и живот со поддршка, а 10 дека не смее и не треба препуштање само на родителите и нивните најблиски.

На прашањето да опишат испитаниците какви се аутистичните деца според нивното досегашно искуство добиени се одговори дека тие заостануваат со говорот, дека се асоцијални, им пречи бука и гласна музика, не се заинтересирани, имаат проблем со моториката и држењето на телото, агресивно се однесуваат, со отсутен поглед, проблеми со концентрацијата, хиперактивност, повторувачко однесување, хиперсензитивни се, пасивни и слично.

И, на крајот, запарашани кој е нивниот конкретен предлог како да им се помогне на аутистичните деца, испитаниците предлагаат стручна помош, комуникација со родителите, училишта за деца со аутизам, пошироки занимални, рана детекција, индивидуален третман, со помош на асистенти, подготовка на индивидуален план, инклузија и интеракција, обучени воспитувачи и наставници, дефектолози и педагози, јавна свест, работилници, поголемо вклучување на државата, дружење со децата, обучување на родителите, сензорни соби, музикотерапија, физички активности, поголема грижа и внимание и слично.

Институтот за наука, алтернатива, култура и уметност од Скопје во рамките на својата годишна програма реализира истражувачки анкети од сферата на образованието, едукацијата, културологијата, културата и уметноста. За таа цел веќе се реализирани анкетите: Кои личности и настани во културата и уметноста во РМ ја одбележаа 2018 година; Што и колку читаат средношколците; Каква литература читаат студентите.

Неодамна, Институтот за наука, алтернатива, култура и уметност од Скопје ја реализираше и својата најнова анкета: Што читаат граѓаните на Република Македонија. За таа цел се обрати до библиотеките во Република Македонија и ги доби следниве одговори.

На прашањето кои пет книги од странски автори беа најчитани во 2018 година во Вашата библиотека, беа издвоени следниве наслови: Бојата на златото, Девојката врана, Сестрата сенка, Сестрата создадена од бура, Принцезата Султана, Казна за гревот, Те нема никаде, Сувенир, Тајните сестри, Богат татко,сиромашен татко, Жена во црно, Жена во сино. Зад затворени врати, Го имам твојот број, Или ти или никој, Фати ме, Ленинградска зима, Девојчето на гребенот, Ангелско дрво, Шепнувачот, Одмазда…

Додека пак, на прашањето кои пет книги од македонски автори беа најчитани во 2018 година во Вашата библиотека, библиотекарите ги издвоија следниве книги: Другата, Споменка, Бездомникот со златен часовник, Се гледаме на врвот, Гол човек, Жива меѓу мртвите, Вештица, Киднапер, Колекционер, Облечен човек, Резервен живот, Стравот, Понекогаш доаѓа среќа, Лифтот (не) е за двајца, Насмевка со цимет , Во виното е вистината, Сенки на полноќ , Нашето последно кафе…

На прашањето кои пет странски автори се најпопуларни и најбарани во Вашата библиотека, беа посочени следниве автори: Роуз Тремејн, Ерик Аксл Сунд, Лусинда Рајли, Јелена Бачиќ Алимпиќ, Зорана Шулц, Линдвуд Баркли, Елен Гоуџ, Тес Геритсен, Џејн Ен Кренц, Карлос Руиз Зафон, Паоло Коељо, Јасмина Кадра, Тес Геритсен, Софи Кинсела, Лиса Гарднер, Сузан Елизабет Филипс, Донато Каризи, Кристин Хана, Паулина Симонс, Брунилда Зллами, Ден Браун, Ју Несбе, Стив Бери…

Додека пак, на прашањето кои пет домашни автори се најпопуларни и најбарани во Вашата библиотека, еве ги добиените одговори: Горјан Петревски, Петре М. Андреевски, Венко Андоновски, Коста Петров, Игор Џамбазов, Ниче Димовски, Винка Саздова, Лидија Димковска , Румена Бужаровска…

И, последното прашање во анкетата беше кои области се најпопуларни и најбарани во Вашата библиотека, а според добиените одговори предничат следниве области: љубовни романи, романи за деца, тинејџерски романи, стручни книги, крими приказни, психолошки книги, трилери и книги за самопомош.